სოფელ ახაშენში სასაფლაოსთან მისასვლელი გზის რეაბილიტაცია განხორციელდება.

გურჯაანის მუნიციპალიტეტის მერიის მიერ გზის სარეაბილიტაციო სამუშაოებზე გამოცხადებული ტენდერი შერჩევა/შეფასების ეტაპზეა.

პროექტის ფარგლებში დაგეგმილია 700 მეტრამდე სიგრძის გზის, მიერთებების და ეზოებში შესასვლელების მოასფალტება, ასევე, რკინა-ბეტონის სანიაღვრე არხის მოწყობა.

შესყიდვის სავარაუდო ღირებულება 303 649 ლარია. პროექტი ადგილობრივი ბიუჯეტიდან ფინანსდება.

გზის სარეაბილიტაციო სამუშაოები სატენდერო პროცედურების დასრულების შემდეგ დაიწყება.