გურჯაანმა, 9 -12 მარტს, საქართველოს პირველობას უმცროსი ასაკის ჭაბუკთა შორის ბერძნულ - რომაულ და თავისუფალ ჭიდაობაში უმასპინძლა.

შეჯიბრი, ორივე სახეობაში, 10 წონით კატეგორიაში გაიმართა და მასში 500 - მდე სპორტსმენმა მიიღო მონაწილეობა.

გამარჯვებულები თასებით, შესაბამისი ხარისხის მედლებითა და დიპლომებით დაჯილდოვდნენ.

საქართველოს პირველობა ჭიდაობის ეროვნული ფედერაციისა და გურჯაანის მუნიციპალიტეტის მერიის ორგანიზებით გაიმართა.

აღსანიშნავია, რომ გურჯაანმა საქართველოს პირველობას

ბერძნულ - რომაულ და თავისუფალ ჭიდაობაში უკვე მესამედ უმასპინძლა.