სოფელ ზემო კაჭრეთში სკოლისკენ მიმავალი გზის მოასფალტების სამუშაოები მიმდინარეობს.

პროექტის ფარგლებში მოასფალტდება 1400 მეტრამდე სიგრძის გზა, ეზოებში შესასვლელები და მიერთებები, ასევე მოეწყობა რკინა-ბეტონის სანიაღვრე არხი.

საგზაო სამუშაოებს გურჯაანის მუნიციპალიტეტის მერიის დაკვეთით, ტენდერში გამარჯვებული შპს "ნიუპოვერი" ასრულებს, რომელიც რეგიონებში განსახორციელებელი პროექტების ფონდიდან, ადგილობრივი ბიუჯეტის თანამონაწილეობით, ფინანსდება.