გურჯაანი - ზიარის დამაკავშირებელი გზის რეაბილიტაცია დაიწყო.

სამუშაოების ფარგლებში მოასფალტდება გზის 7 კმ- იანი მონაკვეთი და მეწყერსაშიშ ადგილებზე ნაპირსამაგრი სამუშაოები განხორციელდება. პროექტის ღირებულება 4 მლნ ლარია.

აღნიშნული გზა 10 სოფელს ქალაქ გურჯაანთან აკავშირებს, მანძილი კი 12 კმ - ით მცირდება, რითიც მოსახლეობა დაზოგავს დროს.

აღსანიშნავია, რომ გზის რეაბილიტაციის საკითხი მრავალი წლის განმავლობაში აქტუალური იყო, თუმცა პროექტის მასშტაბურობიდან გამომდინარე ვერ ხერხდებოდა.