გურჯაანის მუნიციპალიტეტის მერია სოფელ ჩუმლაყში, ე.წ კოშკის უბანში შიდა საუბნო გზის რეაბილიტაციას ახორციელებს.

 პროექტს, რომელზეც უკვე მოასფალტების სამუშაოებია დაწყებული, ელექტრონულ ტენდერში გამარჯვებული კომპანია შპს "ფენიქსი" ახორციელებს.

 სამუშაოებზე რეგიონებში განსახორციელებელი პროექტების ფონდიდან, ადგილობრივი ბიუჯეტის თანამონაწილეობით 146 140 ლარი დაიხარჯება.