გურჯაანის მუნიციპალიტეტის მერის მოვალეობის შემსრულებელი ლერი გელენავა, გურჯაანის სკოლამდელი სააღმზრდელო დაწესებულებების გაერთიანების ხელმძღვანელთან ნატა რუაძესთან და მერიის კულტურის, განათლების, სპორტის და ახალგაზრდულ საქმეთა სამსახურის უფროსის მ/შ ხატია ზაკალაშვილთან ერთად, საბავშვო ბაღების მენეჯერებს შეხვდა.

სამუშაო შეხვედრაზე, ახალი სასწავლო - სააღმზრდელო წლის დაწყებისთვის, გურჯაანის მუნიციპალიტეტის საბავშვო ბაგა-ბაღების მზაობის საკითხები განიხილეს.

გურჯაანის სააღმზრდელო დაწესებულებები ახალ სასწავლო - სააღმზრდელო წელს, განახლებული ავეჯით ხვდება. მიმდინარე წლის ზაფხულში, ა(ა)იპ გურჯაანის სკოლამდელი სააღმზრდელო დაწესებულებების გაერთიანებამ, ახალი ავეჯი 37 საბავშვო ბაგა-ბაღისთვის ​შეიძინა.

გურჯაანის სააღმზრდელო დაწესებულებებში ახალ სასწავლო - სააღმზრდელო წელი 18 სექტემბერს დაიწყება.