2020 წელს, გურჯაანის მუნიციპალიტეტში 11 საჯარო სკოლის რეაბილიტაცია განხორციელდა.
ესენია: ქ.გურჯაანის I, II, III საჯარო სკოლები, ველისციხის, ჩალაუბნის, არაშენდის, ვაზისუბნის, ჯიმითის, ვაჩნაძიანის, ჭერემის და ახაშნის საჯარო სკოლები.

 სამუშაოები რეგიონებში განსახორციელებელი პროექტების ფონდიდან, ადგილობრივი ბიუჯეტის თანამონაწილეობით განხორციელდა, რისთვისაც ჯამში 745 000 ლარი დაიხარჯა.

 აღსანიშნავია, რომ 2020 წელს, სოფელ ზემო კაჭრეთში თანამედროვე სტანდარტების შესაბამისი ახალი საჯარო სკოლა აშენდა.

შეგახსენებთ, რომ დღეიდან, 1 თებერვლიდან, გურჯაანის მუნიციპალიტეტის საჯარო სკოლებში სწავლა სასწავლო ოთახებში განახლდა.