ქალაქ გურჯაანში, "პაპას ბაღის" ტერიტორიაზე, გურჯაანის შშმ პირთა მშობელთა ასოციაციის ინიციატივით, შეზღუდული შესაძლებლობების მქონე ბავშვების და მათი მშობლების მიერ შექმნილი ნამუშევრების გამოფენა-გაყიდვა გაიმართა.

გამოფენა მიზნად ისახავდა მუნიციპალიტეტში შშმ პირთა თემის გაძლიერებას, მათი მოტივაციის გაზრდას, საკუთარი თავის რწმენის ამაღლებას და საზოგადოებაში მათ სრულფასოვან ინტეგრაციას. მსგავსი გამოფენა-გაყიდვები, ასევე მნიშვნელოვან როლს შეასრულებს სოციალური საწარმოების შექმნის საქმეში.

გამოფენა-გაყიდვას გურჯაანის მუნიციპალიტეტის მერი არჩილ ხანდამაშვილი, თანამშრომლებთან ერთად, ესტუმრა, ნამუშევრები დაათვალიერა და ხელნაკეთი ნივთებიც შეიძინა.

ღონისძიება გურჯაანის მუნიციპალიტეტის მერიის მხარდაჭერით განხორციელდა.