გურჯაანის მუნიციპალიტეტის ერთ-ერთ ისტორიულ სოფელ ველისციხეში, ახალი არტეფაქტებია აღმოჩენილი.  ერთ-ერთმა ადგილობრივმა, მიწის სამუშაოების დროს, ბაზალტის მოზრდილი ქვა აღმოაჩინა, მხედრული წარწერებით, რომელზეც დაშენებული იყო ძველი მარნის ერთ-ერთი კედელი.  ამასთან ერთად, აღმოჩენილია ორ ტონამდე ტევადობის ქვევრები, რომელებიც გარედან ქართული აგურით არის მოპირკეთებული.  სპეციალისტების ვარაუდით, წარწერებიანი ქვა შესაძლოა უცნობი ადამიანის საფლავის ქვას წარმოადგენდეს, რომლის შესწავლაც უკვე მიმდინარეობს.