ა(ა)იპ "დასუფთავების სამსახური", ქალაქ გურჯაანში, ახტალის პარკსა და სასაფლაოს მიმდებარე ტერიტორიაზე დარგული ნერგების მოვლა-პატრონობას მუდმივ რეჟიმში ახორციელებს. ზაფხულის პერიოდში სისტემატურად ხდება ნერგების მორწყვა. კედარი, მუხა, აკაკი და ნეკერჩხალი ქალაქ გურჯაანში, გამწვანების პროექტის ფარგლებში, მიმდინარე წლის გაზაფხულზე დაირგო. შეგახსენებთ, რომ გამწვანების პროექტი გურჯაანის მაჟორიტარი დეპუტატის დავით სონღულაშვილის ინიციატივით და მხარდაჭერით ხორციელდება, რომელიც ქალაქ გურჯაანში 450-მდე ნერგის დარგვას ითვალისწინებს.