ველისციხეში ახალგაზრდებმა დასუფთავების აქცია მოაწყვეს.
სოფელ ველისციხის საჯარო სკოლის მოსწავლეებმა, სასკოლო პროექტის - ,,ეს ქვეყანა შენია" ფარგლებში, დასუფთავების აქცია მოაწყვეს. ახალგაზრდებმა ეკლესიის ეზო და მიმდებარე ტერიტორია დაასუფთავეს. დასუფთავების აქცია ველისციხის საჯარო სკოლის მე-9 კლასის მოსწავლეების ინიციატივით გაიმართა, რომელშიც სხვა მოხალისე ახალგაზრდები, ველისციხის ბიბლიოთეკის და ადმინისტრაციული ერთეულის წარმომადგენლები ჩაერთვნენ. ახალგაზრდები მსგავსი აქციების მოწყობას მომავალშიც გეგმავენ.