"სოფლის მხარდაჭერის პროგრამის" ფარგლებში პრიორიტეტები შეარჩიეს სოფელ არაშენდაშიც. ადგილობრივებს, პროგრამით გათვალისწინებული თანხით, რამდენიმე საკითხის გადაჭრა სურთ. სასმელი წყლის სისტემის ამოცვლა სოფლის ბოლოში,წყლის #1 ჭაბურღილის შემოღობვა და საბავშვო ბაღისთვის ინვენტარის შეძენა - ეს ის პრიორიტეტებია, რომლებიც არაშენდელებმა საერთო კრებაზე შეარჩიეს.  გამართულ შეხვედრას გურჯაანის მუნიციპალიტეტის მერი არჩილ ხანდამაშვილი ადგილობრივი ხელისუფლების წარმომადგენლებთან ერთად ესწრებოდა.  წელს,"სოფლის მხარდაჭერის პროგრამით", სოფელ არაშენდისთვის, 20 000 ლარია გამოყოფილი.